© २०२३
काठमाडौं । ओम मेगाश्री फर्मास्युटिकल्स लिमिटेडको आइपीओ आगामी साताभित्र बाँडफाँट गर्ने तयारी गरिएको छ । बिक्री प्रबन्धक नेपाल प्रभु क्यापिटलका अनुसार अझै थोरै काम बाँकी रहेकोले अर्को हप्तामात्र आइपीओ बाँडफाँट गर्ने तयारी गरिएको छ । यद्यपि, बाँडफाँट हुने मिति भने अझै तय भइनसकेको बिक्री प्रबन्धकले बताएको छ । आवेदन दिएकाहरुले बाँडफाँट हुने समय कुरेर बसेका छन् ।
यता, ओम मेगाश्री फर्मास्युटिकल्सको आइपीओ हात पार्न भाग्यकै भरपर्नु पर्नेछ । यसमा मागभन्दा १६।०२ गुणा बढी आवेदन परेको छ । यसर्थ गोलाप्रथाबाट आइपीओ बाँडफाँट हुनेछ । यसमा १९ लाख ८५ हजार ६६३ जनाले कुल २ करोड ३६ लाख ५९ हजार १२० कित्ताका लागि आवेदन दिएका छन् ।
जसमा १ लाख ४७ हजार ६०० जनाले मात्र सेयर हात पार्नेछन् । बाँकी १८ लाख ३८ हजार ६३ जनाको भने हात खाली हुनेछ । ओम मेगाश्री फर्मास्युटिकल्सले फागुन २७ गतेदेखि चैत ३ सतेसम्म सर्वसाधारणका लागि १४ लाख ७६ हजार कित्ता आइपीओ बिक्री खुला गरेको थियो ।
यो वेबसाइट पब्लिक सवाल प्रा. लि द्वारा संचालित न्युज पोर्टल हो। नेपाली भाषाको यो पोर्टलले समाचार, विचार, शिक्षा, स्वास्थ्य, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आयामका समाचार र विश्लेषणलाई समेट्छ ।
सूचना विभाग दर्ता नं.: ४४७०-८०/८१
फोन: +९७७-९८४०७४८००३
इमेल: [email protected]
ठेगाना: अनामनगर काठमाडौँ
© २०२३
सर्वाधिकार सुरक्षित
Developed By:
