© २०२३
काठमाडौ । स्वतन्त्र ऊर्जा उत्पादकहरुको संस्था (इप्पान)का अध्यक्ष गणेश कार्कीले निजी क्षेत्रको विकासका लागि स्पष्ट ऐन र कानुनी व्यवस्था आवश्यक रहेको बताएका छन्।
शुक्रबार सेती नदी जलविद्युत् परियोजना उद्घाटन तथा बाज्रा इनर्जी उद्यमको वित्तीय समापन समारोहमा बोल्दै उनले ऐन अभावमा निजी क्षेत्रले सहज वातावरण नपाएको गुनासो गरे।
“हामी साँच्चै दुःखमा छौं। सरकारले २८ हजार ५ सय मेगावाट विद्युत उत्पादन गर्ने महत्वाकांक्षी लक्ष्य राखेको छ, जसका लागि ६२ खर्ब रुपैयाँ खर्च हुने भनिएको छ। तर कानून नबन्दा हामी जस्तोसुकै प्रयास गरे पनि प्रत्येक पाइलामा तगारो लागिरहेको छ,” अध्यक्ष कार्कीले भने।
उनले सेती नदी परियोजनालाई उदाहरण दिँदै, “जनतासँगको सहकार्यमा जुन ढंगले सेती परियोजना सम्भव भयो, त्यसरी नै अरु पनि आयोजना बनाउन सकिन्छ,” भन्दै सरकारले आवश्यक ऐन तथा नीति बनाइदिनु नै पर्याप्त हुने स्पष्ट पारे।
अध्यक्ष कार्कीले नेपालका राजनीतिक दलहरूलाई विकासका विषयमा साझा धारणा बनाउँदै एकीकृत रूपमा अघि बढ्न पनि आग्रह गरे।
यो वेबसाइट पब्लिक सवाल प्रा. लि द्वारा संचालित न्युज पोर्टल हो। नेपाली भाषाको यो पोर्टलले समाचार, विचार, शिक्षा, स्वास्थ्य, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आयामका समाचार र विश्लेषणलाई समेट्छ ।
सूचना विभाग दर्ता नं.: ४४७०-८०/८१
फोन: +९७७-९८४०७४८००३
इमेल: [email protected]
ठेगाना: अनामनगर काठमाडौँ
© २०२३
सर्वाधिकार सुरक्षित
Developed By:
