खोज

काठमाडौ । स्वास्थ्यप्रति जनचेतना अभिवृद्धि गर्ने उद्देश्यले CAREFIRST DENTAL CLINIC, मनोहरा टोल सुधार समिति र योग व्यायाम समूहको सहकार्यमा आयोजित निःशुल्क दन्त, रक्तचाप र मधुमेह स्क्रिनिङ शिविर अत्यन्तै सफल, जनउत्तरदायी र फलदायी सिद्ध भएको छ।

सामुदायिक तहमै स्वास्थ्य सेवा पु¥याउने सोचका साथ आयोजना गरिएको उक्त  शिविरमा दन्त परीक्षण तथा परामर्श, उच्च रक्तचाप मापन, मधुमेह परीक्षण तथा जीवनशैली परिमार्जनका सल्लाहहरू प्रदान गरियो।

शिविरमा सयौं स्थानीय बासिन्दाहरूको उत्साहजनक उपस्थिति रहेको थियो। विशेषतः धेरै सेवाग्राहीहरूले पहिलो पटक स्वास्थ्य परीक्षण गराएका थिए, जसले रोगको समयमै पहिचान र उपचारको दिशामा सकारात्मक प्रेरणा दिएको देखिन्छ।

CAREFIRST DENTAL CLINIC का चिकित्सक डा. सुभाष बञ्जाडे, डा. नवीन खड्का, डा. विजय आचार्य, डा. गरिमा बश्याल लगायत DH धनजीत यादव र गंगा रायमाझीको नेतृत्वमा गरिएको सेवामा पेशागत दक्षता र आत्मीय व्यवहारको प्रशंसा गरिएको छ।

शिविर सफल बनाउन टोल सुधार समिति, योग व्यायाम समूह र Carefirst Dental Clinic बीचको उत्कृष्ट समन्वय उदाहरणीय रह्यो। स्वास्थ्य शिविरमार्फत समुदायमा नियमित स्वास्थ्य परीक्षणको महत्त्वबारे चेतना फैलिएको छ कार्यक्रम आयोजकले आगामी दिनहरूमा अझ विस्तारित र लक्षित स्वास्थ्य कार्यक्रम सञ्चालन गर्ने प्रतिबद्धता जनाएका छन्।