© २०२३
काठमाडौं। नेकपा (माओवादी केन्द्र) का अध्यक्ष तथा पूर्व प्रधानमन्त्री पुष्पकमल दाहाल ‘प्रचण्ड’ ले देश गम्भीर बहुआयामिक संकटबाट गुज्रिरहेको बताएका छन् । साथै, उनले प्रमुख प्रतिपक्षी नेपाली कांग्रेसलाई ‘स्वर्ग र नर्कको गोलचक्कर’ मा फसेको भन्दै कडा आलोचना गरेका छन् ।
प्रतिनिधिसभाको सोमबारको बैठकमा विपक्षी दलका नेताको हैसियतले सम्बोधन गर्दै उनले भने, “हिजो लोकतन्त्रको आन्दोलनलाई बयलगाडा भनेर हेला गरिएको, पटक–पटक संसद् विघटन गरिएको, प्रतिगमनकारी शक्तिहरू सलबलाएको, व्यवस्थामाथि बारम्बार प्रश्न उठाइएको यस्ता गम्भीर क्षणहरूमा सरकारको नेतृत्व चिन्तित देखिएन ।”
उनले सत्तारूढ नेपाली कांग्रेसप्रति लक्षित गर्दै थपे, “नेपाली कांग्रेस अहिले एकपछि अर्को गर्दै स्वेच्छाचारी निर्णयहरूको श्रृंखला अघि बढाइरहेको छ, प्रतिशोध र अहंकारको व्यवहार हाबी हुँदै गएको छ । यसले कांग्रेस स्वर्ग र नर्ककै गोलचक्करको पासोमा फसेको आभास दिन्छ ।”
प्रचण्डको भनाइले वर्तमान सत्ता समीकरणमा चिसोपन झल्काएको छ भने विपक्षी दलको भूमिकाबारे नयाँ बहस समेत उत्पन्न गराएको छ।
यो वेबसाइट पब्लिक सवाल प्रा. लि द्वारा संचालित न्युज पोर्टल हो। नेपाली भाषाको यो पोर्टलले समाचार, विचार, शिक्षा, स्वास्थ्य, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आयामका समाचार र विश्लेषणलाई समेट्छ ।
सूचना विभाग दर्ता नं.: ४४७०-८०/८१
फोन: +९७७-९८४०७४८००३
इमेल: [email protected]
ठेगाना: अनामनगर काठमाडौँ
© २०२३
सर्वाधिकार सुरक्षित
Developed By:
