काठमाडौं । नेपाली कांग्रेसका केन्द्रिय सदस्य तथा नेपाली जनसम्पर्क समिती समन्वय बिभाग प्रमुख किरण पौडेल ज्यूको समन्वयमा नेपाल सरकारका उपप्रधान तथा परराष्ट्र मन्त्री माननीय नारायणकाजी श्रेष्ठज्यू सँगको बिशेष भेटघाट तथा समसामहिक बिषयहरुमा छलफल भएको छ ।
भेटघाटको क्रममा नेपाली जनसम्पर्क समिती साउदी अरबका सभापति तुसुङ्ग (अर्जुन) थापा ज्यूले साउदी अरबमा अबैधानिक रुपमा रहेका, बिभिन्न समस्यामा परी नेपाल फर्कन नसकेका नेपाली कामदारहरुलाई नेपाली राजदूतावास रियादले सम्बन्धित निकायमा जानकारी प्रदान गरे अनुरुप यथाशिघ्र आबश्यक सहयोग गर्नको लागि, नेपाली राजदूतावास रियादमा कर्मचारी अभाबको कारण दूतावासले चाहेर पनि दु:ख समस्यामा परेका नेपाली श्रमीकहरुलाई आबश्यक सेवा दिन परेको कठिनाईको सम्बन्धमा र दूतावासमा कर्मचारी अभाबको कारण दूतावासले भोग्नुपरेको समस्या र कर्मचारी थप गर्नको लागि पहल गरिदिन आग्रह गरेका छन ।
अबैधानिक रुपमा साउदी अरबमा बसेका नेपालीहरुको नेपाल फर्कने बेला जारी गरिने ट्राभल डकुमेन्ट्स निशुल्क गरिदिनुहुन, साउदी अरबको गोसी GOSI (General Organization for Social Insurance)बाट पाउनुपर्ने रकम २००२ देखी हाल सम्म करिब ६०० जनाको साउदी रियाल ५०,००० देखी १ लाख सम्म सम्म उहाँहरुको परिवारले नपाएको गुनासो आएको र ति मध्ये कतिपयको बैंक चेक पनी फिर्ता भएको र यस बिषयलाई पनि गम्भिरताका साथ सम्बन्धित निकायसँग कुरा गरी आबश्यक पहल गर्नको लागि लगायत साउदी अरबमा नेपाली श्रमिकहरुले भोग्नु परेका बिभिन्न समस्याहरुको बारेमा र सरकारले गर्न सक्ने, गर्नुपर्ने आबश्यक पहल, सहयोगको लागि परराष्ट्र मन्त्री नारायणकाजी श्रेष्ठलाई जानकारी गराईएको छ । मन्त्री श्रेष्ठले उक्त बिषयहरुलाई आफुले गम्भिरताका साथ लिने जानकारी दिए ।
त्यसै गरी नेपाली जनसम्पर्क समिती मलेसियाका सभापति चोलाकान्त पंगेनी ज्युले पनि मलेसियामा रहेका नेपाली श्रमिकहरुको बिषयमा उहाँहरुले भोग्नुपरेका समस्या र त्यसको समाधान, न्युनिकरणको लागि सरकारले गर्नुपर्ने आबश्यक कदमको लागि मन्त्री ज्यूलाई जानकारी गराउनु भएको थियो । साउदी अरब, मलेसिया लगायत अन्य खाँडी मुलुकहरुमा नेपालीहरुलाई परेको समस्या र समाधानको सबै बिषयहरुमा नेपाली जनसम्पर्क समिती समन्वय बिभाग प्रमुख किरण पौडेल ज्यूको समन्वयमा सम्पूर्ण देशका जनसम्पर्क समितिका पदाधिकारीहरु तथा सम्बन्धित देशका दुताबासको प्रतिनिधिको उपस्थितिमा नेपाल सरकारका उपप्रधान तथा परराष्ट्र मन्त्री माननीय नारायणकाजी श्रेष्ठ ज्यूसँग छिट्टै नै एउटा जुम बैठक राखी सम्पूर्ण खाँडी मुलुकहरुमा नेपाली श्रमीकहरुले भोग्नुपरेका समस्या, समाधान तथा न्युनिकरणको लागि सबैले मिलेर पहल गर्ने र यसमा नेपाल सरकारको तर्फबाट गम्भिरताका साथ लाग्ने समेत मन्त्री श्रेष्ठले प्रतिक्रिया दिए ।
