© २०२३
काठमाडौं, १७ जेठ । पोखरा अन्तर्राष्ट्रिय विमानस्थललाई चीनले दिएको ऋणको ब्याजदर २ प्रतिशत नभई ५ प्रतिशत रहेको खुलासा गरेपछि पत्रकार गजेन्द्र बुढाथोकी यतिबेला चर्चामा छन् ।
उनले यस्तो तथ्य सार्वजनिक गरेपछि चिनियाँ राजदूत छन सोङले सामाजिक सञ्जालमार्फत् धम्की दिएको भन्दै बुढाथोकीले सार्वजनिक जानकारीमा ल्याएका थिए ।
राजदूत सोङले ऋणको ब्याजदर ५ प्रतिशत नरहेको दाबी गरेका छन् । उक्त विमानस्थल निर्माण बीआरआई अन्तर्गत भनेर समेत सोङले विगतमा अभिव्यक्ति दिएपछि विवाद भएको थियो । जबकि नेपालले बीआरआई कार्यान्वयनमा हस्ताक्षर नै गरेको छैन ।
पत्रकार बुढाथोकीले ट्वीट गर्दै आफ्नो ज्यान जोखिममा रहेको समेत भनेका छन् । उनलाई धम्की आउँदा पनि पत्रकार सम्वद्ध संस्था देखि देशको जिम्मेवार निकाय केही बोलेको छैन ।
नेपालमा राजदूत जस्तो जिम्मेवार पदमा बसेका विदेशी नागरिकले नेपाली नागरिकलाई धम्की दिंदा पनि सरकार मौन बसेकोमा असन्तुष्टि बढेको छ । यसले राज्य आफ्नो नागरिकप्रति गम्भीर छैन भन्ने गलत सन्देश समेत गएको छ ।
यो वेबसाइट पब्लिक सवाल प्रा. लि द्वारा संचालित न्युज पोर्टल हो। नेपाली भाषाको यो पोर्टलले समाचार, विचार, शिक्षा, स्वास्थ्य, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आयामका समाचार र विश्लेषणलाई समेट्छ ।
सूचना विभाग दर्ता नं.: ४४७०-८०/८१
फोन: +९७७-९८४०७४८००३
इमेल: [email protected]
ठेगाना: अनामनगर काठमाडौँ
© २०२३
सर्वाधिकार सुरक्षित
Developed By:
