© २०२३
काठमाडौं, ८ जेठ । सँसारभरका हिन्दूहरुको पवित्र तीर्थस्थल पशुपतिनाथमा दैनिक दशौं हजार दर्शनार्थी आउने गर्दछन् । उनीहरुबाट दैनिक लाखौं भेटी संकलन हुन्छ । त्यसरी संकलन गरेको भेटी संकलन गरी बैंकमा जम्मा गरिन्छ । तर, पशुपतिनाथको भेटी सधै चोरी हुने गरेको खुलेको छ ।
पशुपतिनाथको भेटी चोरीमा एउटा गिरोह नै संलग्न रहेको खुलेको हो । भेटी चोर्न लगाउने गिरोहमा पशुपति विकास कोषका पदाधिकारी समेत रहेको तथ्य सार्वजनिक भएको छ ।
पशुपतिनाथमा मन्दिरको भेटी चोरको सीसीटीभीबाट पत्ता लागेको हो । चोरीमा संलग्न पशुपति क्षेत्र विकास कोषका नायब सुब्बा नवराज ढोडारी, मन्दिरका ब्राम्हणहरु नवराज घिमिरे, राम सापकोटा र लक्ष्मण सापकोटा, मन्दिरमा बाजा बजाउनेहरु सनिष कपाली, अनिल परियार र कुमार दमाई पक्राउ परेका हुन् । पक्राउ पर्नेहरुले दिएको बयानका आधारमा कोषका कोषाध्यक्ष नारायण सुवेदी पनि अनुसन्धानमा परेका छन् । नेपाल इन्भेस्टमेन्ट बैंकको रकम संकलन केन्द्रका कर्मचारी पनि पक्राउ गरिएका छन् ।
भेटी चोर्ने गिरोहले दैनिक १५ हजारसम्म चोरी गरेर कोषका पदाधिकारीलाई बुझाउने गरेको बयानबाट खुलेको छ ।
यो वेबसाइट पब्लिक सवाल प्रा. लि द्वारा संचालित न्युज पोर्टल हो। नेपाली भाषाको यो पोर्टलले समाचार, विचार, शिक्षा, स्वास्थ्य, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आयामका समाचार र विश्लेषणलाई समेट्छ ।
सूचना विभाग दर्ता नं.: ४४७०-८०/८१
फोन: +९७७-९८४०७४८००३
इमेल: [email protected]
ठेगाना: अनामनगर काठमाडौँ
© २०२३
सर्वाधिकार सुरक्षित
Developed By:
