© २०२३
काठमाडौं, ३१ वैशाख । जनता समाजवादी पार्टी नेपालका अध्यक्ष उपेन्द्र यादवको सोमबार निकै व्यस्त कार्यतालिका रह्यो । उनी विहानै लोसपा अध्यक्ष महन्थ ठाकुरलाई निवासमा भेटेर सरकारबाट अलग भए ।
उपप्रधानमन्त्री पदबाट राजीनामा दिएपछि यादव जसपा नेपाल विभाजनविरुद्ध रिट दर्ता गर्न पुगे । उनले रिटमा जसपा नेपाल विभाजनलाई असंवैधानिक भनेका छन् । रिटको पेशी जेठ २ लाई तोकिएको छ । उनले कार्यकारिणी बैठक पनि डाके ।
यादव सरकारबाट फिर्ता भएपछि लिने रणनीतिबारे चासो बढेको छ । सरकार अल्पमतमा त परेको छैन तर समर्थन घटेको छ ।
अर्कोतर्फ, उपेन्द्र यादवको राजनीतिक भविष्यबारे पनि चर्चा चलेको छ । उनले प्रचण्डलाई विश्वास गर्दा धोका खाएको भन्दै महन्थ ठाकुरसँग सहयोगको आग्रह गरेका छन् । यसलाई अर्थपूर्ण मानिएको छ ।
प्रचण्डले धोका दिएको भन्दै बाबुराम भट्टराईले समेत आक्रोश पोखेका छन् । यस्तै आक्रोश उपेन्द्रले पोखेका छन् । तर, उनीहरुले आक्रोश पोखुञ्जेल धेरै गुमाइसकेका छन् ।
यो वेबसाइट पब्लिक सवाल प्रा. लि द्वारा संचालित न्युज पोर्टल हो। नेपाली भाषाको यो पोर्टलले समाचार, विचार, शिक्षा, स्वास्थ्य, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आयामका समाचार र विश्लेषणलाई समेट्छ ।
सूचना विभाग दर्ता नं.: ४४७०-८०/८१
फोन: +९७७-९८४०७४८००३
इमेल: [email protected]
ठेगाना: अनामनगर काठमाडौँ
© २०२३
सर्वाधिकार सुरक्षित
Developed By:
