© २०२३
काठमाडौं, २३ वैशाख । सहकारी ठगी प्रकरणमा फरार जीबी राईलाई पक्राउ गर्न सरकारी प्रयासले गति लिएको छ । त्यसका लागि सरकारी तहबाट प्रक्रिया भइसकेकोमा चासो समेत बढाइएको छ ।
त्यसो त गृहमन्त्री रवि लामिछानेका विगतका व्यापारिक साझेदार समेत रहेका राई मलेशियामा रहेको चर्चा छ । इन्टरपोलले उनको नाममा रेड कर्नर नोटिश समेत जारी गरिसकेको छ । तर, राई पक्राउ परेका छन् ।
राईलाई लुकाएको भन्दै गृहमन्त्री लामिछानेमाथि आरोप लाग्दै आएको छ । यसलाई खण्डन गर्दै आएका छन् उनले ।
आइतबार नै गृहमन्त्री लामिछानेले जीबी राई पक्राउ गर्न माहोल सृजना गरेको कुरा बाहिर ल्याएका छन् । उनले मलेशियाका गृहमन्त्रीसँग टेलिफोन वार्ता गरेको विषय आएको छ । आइजीपी वसन्त कुँवरले पनि मलेशियाका प्रहरी प्रमुखसँग वार्ता गरेको खुलाइएको छ ।
राई पक्राउ परेमा सहकारी ठगीसम्बन्धी धेरै तथ्य बाहिर आउँछ । लामिछानेमाथि सहकारी ठगीमा संलग्न रहेको आरोप छ । यसलाई काँग्रेसले छानविनको विषय बनाउनुपर्ने भन्दै संसदीय समितिको माग गरेको छ ।
यो वेबसाइट पब्लिक सवाल प्रा. लि द्वारा संचालित न्युज पोर्टल हो। नेपाली भाषाको यो पोर्टलले समाचार, विचार, शिक्षा, स्वास्थ्य, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आयामका समाचार र विश्लेषणलाई समेट्छ ।
सूचना विभाग दर्ता नं.: ४४७०-८०/८१
फोन: +९७७-९८४०७४८००३
इमेल: [email protected]
ठेगाना: अनामनगर काठमाडौँ
© २०२३
सर्वाधिकार सुरक्षित
Developed By:
