© २०२३
काठमाडौं, २३ वैशाख । प्रधानमन्त्री प्रचण्ड सत्ता साझेदार दलहरुसँग नै सशंकित छन् । उनले शनिबार सार्वजनिक रुपमै सरकार ढाल्ने खेल भइरहेको संकेत गरे । उनले सत्ता समिकरण भत्काउने खेल भइरहेको बताएर राजनीतिक तरंग ल्याइदिएका छन् ।
प्रचण्डपूर्वप्रधानमन्त्री माधवकुमार नेपालका अभिव्यक्तिले प्रचण्ड सशंकित बनेका हुन् । नेपालले सुदूरपश्चिम प्रदेशमा मुख्यमन्त्री आफ्नो दलका नेतालाई दिलाए । तर, त्यहाँ विश्वासको मत दिने विषयमा खटपट छ ।
नेपालले प्रचण्ड सरकार ढाल्न भूमिका खेलिरहेको खुल्दै गएको छ । उनले काँग्रेस सभापति शेरबहादुर देउवा र जसपा अध्यक्ष उपेन्द्र यादवसँग छलफल चलाएका छन् । राप्रपा साथमा आएमा प्रचण्ड सरकार ढल्न सक्छ ।
एमाले अध्यक्ष केपी शर्मा ओली पनि माधव नेपालसँग रुष्ट छन् । उनले नेपालमाथि व्यङ्ग्य गरिरहेका छन् । नेपाल पनि आफू प्रधानमन्त्री बन्ला भनेर ओलीलाई छटपटाहट भएको बताइरहेका छन् ।
अहिले सरकार ढाल्ने खेलमा माधव नेपाल मुख्य गरी सक्रिय छन् । देउवा त भित्र भित्र सरकार ढाल्ने खेलमै छन् ।
विशेषगरी प्रचण्ड माधव नेपालसँग बढी सशंकित छन् । १० सिट भएपनि नेपाल नेतृत्वको नेकपा एस निर्णायक शक्ति बन्दै गएको छ । यसले पनि घटनालाई नयाँ मोड दिएको छ ।
सरकार ढाल्ने खेलमा भित्र भित्र ओली पनि देखिएका छन् । उनी आफू प्रधानमन्त्री बन्ने परिस्थिति विकास भएमा प्रचण्डलाई धक्का दिन सक्छन् ।
काँग्रेस र एमालेबीच आलोपालो एकलौटी सरकार चलाउने बारे पनि छलफल नभएको होइन । तर, यो बोलीमै सिमित छ । यी दुई दलको टकरावको लाभ प्रचण्ड, माधव नेपाल, उपेन्द्र यादवहरुले लिइरहेका छन् ।
यो वेबसाइट पब्लिक सवाल प्रा. लि द्वारा संचालित न्युज पोर्टल हो। नेपाली भाषाको यो पोर्टलले समाचार, विचार, शिक्षा, स्वास्थ्य, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आयामका समाचार र विश्लेषणलाई समेट्छ ।
सूचना विभाग दर्ता नं.: ४४७०-८०/८१
फोन: +९७७-९८४०७४८००३
इमेल: [email protected]
ठेगाना: अनामनगर काठमाडौँ
© २०२३
सर्वाधिकार सुरक्षित
Developed By:
