© २०२३
काठमाडौं। मोरङको सुन्दरहरैँचा नगरपालिका–१० स्थित सुकुना माध्यमिक विद्यालयका आठ जुम्ल्याहा विद्यार्थीले एसईई दिइरहेका छन् ।
यो विद्यालयबाट कोसी प्रदेशमै सबैभन्दा बढी विद्यार्थीले एसईई दिइरहेका छन् । तीमध्ये आठ जुम्ल्याहा विद्यार्थीले एकैपटक परीक्षा दिइरहेका छन् । विद्यालयबाट चार परीक्षा केन्द्रमा ६२६ विद्यार्थी परीक्षामा सहभागी छन् । ०२९ सालमा स्थापित उक्त विद्यालयका विद्यार्थीले ०३९ बाट ‘एसएलसी’ परीक्षा दिन थालेका हुन् । त्यो प्रदेशकै नमुना विद्यालयअन्तर्गत पर्छ ।
उक्त विद्यालयमा २ सहित हाल चार हजार ५०० विद्यार्थी अध्ययनरत छन् । कोसी प्रदेशमा ८० हजारभन्दा बढी विद्यार्थीले परीक्षा दिइरहेका छन् ।