© २०२३
काठमाडौ । नेकपा (माओवादी केन्द्र)का उपमहासचिव तथा पूर्वमन्त्री हरिबोल गजुरेलले पार्टीभित्र अब टीके प्रथाको अन्त्य भएको बताएका छन्। पब्लिक सवालसँग कुरा गर्दै उनले विधान अधिवेशनले पार्टीका सम्पूर्ण पदाधिकारीलाई निर्वाचन प्रक्रियामार्फत चयन गर्ने व्यवस्था लागू गरेको जानकारी दिए।
उनका अनुसार अब पार्टीको अध्यक्ष प्रचण्डसहित सबैले पदाधिकारी बन्न निर्वाचन प्रक्रियामा भाग लिनुपर्ने छ। गजुरेलले भने, “माओवादी केन्द्रमा टीके प्रथा अब इतिहास बनिसकेको छ। विधान अधिवेशनले यो व्यवस्था अन्त्य गरिदिएको छ। अब हरेक निर्णय निर्वाचनमार्फत हुनेछन्।”
उनले पार्टीभित्र प्रचण्डको समर्थन र विरोध गर्ने पक्ष दुवैले आफूलाई तोकिएको भूमिका प्रभावकारी रूपमा निर्वाह गर्न नसकेको भन्दै यसै कारण प्रचण्ड लामो समयसम्म नेतृत्वमा रहन बाध्य भएको धारणा व्यक्त गरे।
गजुरेलका अनुसार विधान अधिवेशनको निर्णयले पार्टीभित्र लोकतान्त्रिक प्रक्रिया संस्थागत गर्दै आन्तरिक एकता र विश्वासलाई सुदृढ गर्न महत्वपूर्ण योगदान दिनेछ।
यो वेबसाइट पब्लिक सवाल प्रा. लि द्वारा संचालित न्युज पोर्टल हो। नेपाली भाषाको यो पोर्टलले समाचार, विचार, शिक्षा, स्वास्थ्य, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आयामका समाचार र विश्लेषणलाई समेट्छ ।
सूचना विभाग दर्ता नं.: ४४७०-८०/८१
फोन: +९७७-९८४०७४८००३
इमेल: [email protected]
ठेगाना: अनामनगर काठमाडौँ
© २०२३
सर्वाधिकार सुरक्षित
Developed By:
