© २०२३
काठमाडौ । संविधान संशोधनको विषयमा केन्द्रित हुँदै सत्तारूढ दल नेपाली कांग्रेस र नेकपा एमाले छुट्टाछुट्टै कार्यदल गठन गर्ने तयारीमा छन्। दुई दलबीच भएको सात बुँदे सहमतिलाई कार्यान्वयन गर्न संशोधनको गृहकार्य सुरु गर्ने उद्देश्य राखिएको छ।
कांग्रेसका महामन्त्री गगन थापाले संविधान संशोधनका सम्भावित विषयमा छलफल प्रारम्भ भइसकेको जानकारी दिँदै सत्तारूढ दलहरूबीच समझदारी कायम गरी अन्य दलहरूसँग संवाद थालिने बताए।
त्यसैगरी, विपक्षी नेकपा एकीकृत समाजवादीले उपाध्यक्ष प्रकाश ज्वालाको नेतृत्वमा संशोधन सुझाव कार्यदल गठन गरिसकेको छ। माओवादी केन्द्रले भने आफ्ना मुख्य तीन एजेन्डा—प्रत्यक्ष निर्वाचित कार्यकारी प्रमुख, पूर्ण समानुपातिक निर्वाचन प्रणाली, र सांसदलाई मन्त्री बन्न नपाउने प्रावधानलाई पुनः अघि सारेको छ।
दलहरू संविधान संशोधनलाई अभ्यासमा देखिएका कमजोरी सुधार र राजनीतिक स्थायित्वका लागि महत्त्वपूर्ण अवसरको रूपमा लिइरहेका छन्। यद्यपि, संशोधनका विषयमा दलहरूबीच सहमति जुट्न अझै समय लाग्ने देखिन्छ।
यो वेबसाइट पब्लिक सवाल प्रा. लि द्वारा संचालित न्युज पोर्टल हो। नेपाली भाषाको यो पोर्टलले समाचार, विचार, शिक्षा, स्वास्थ्य, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आयामका समाचार र विश्लेषणलाई समेट्छ ।
सूचना विभाग दर्ता नं.: ४४७०-८०/८१
फोन: +९७७-९८४०७४८००३
इमेल: [email protected]
ठेगाना: अनामनगर काठमाडौँ
© २०२३
सर्वाधिकार सुरक्षित
Developed By:
