खोज

काठमाडौं । नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले कीर्तिपुरमा पार्टीको उम्मेदवार डा. शिवशरण महर्जनलाई सबैको साझा उम्मेदवारको रूपमा प्रस्तुत गर्दै आगामी चुनावमा कीर्तिपुरलाई ऐतिहासिक परिवर्तनका लागि तयारी अवस्थामा रहेको दाबी गरेका छन्।

कीर्तिपुरमा आयोजित चुनावी सभामा बोल्दै अध्यक्ष प्रचण्डले भने, “कीर्तिपुर यसपटक इतिहास रच्नेछ, जहाँ हाम्रा उम्मेदवारलाई एकीकृत समाजवादी, जसपा, विप्लवजीको, मोहन वैद्यजस्ता दल र नेताहरुको समर्थन प्राप्त भइसकेको छ।”

उनले थपे, “यो केवल राजनीतिक सहमति मात्र होइन, कीर्तिपुरका जनताले स्वच्छ र भ्रष्टाचारमुक्त नगरको संकल्प लिएका छन् र यसका लागि हामी कुनै पनि प्रकारको हस्तक्षेप नगर्नेछौं।”

प्रचण्डले डा. महर्जनलाई ‘साझा उम्मेदवार’को रूपमा प्रस्तुत गर्दै आगामी निर्वाचित पछि नगरको समृद्धि र विकासमा आफ्नो पाउने सबै सेवा सुविधा खर्च गर्ने पहिलो उम्मेदवारको रूपमा आफूलाई चिनाउँदै भने, “कीर्तिपुरको भविष्यलाई एक नयाँ दिशा दिने जिम्मेवारी हामीले पुरा गर्ने छौं।”

यो चुनावी प्रतिस्पर्धामा, उनले कीर्तिपुरको आम जनताका लागि समृद्धि र पारदर्शिताको आश्वासन पनि दिए।