© २०२३
ट्याङ्करमा लुकाई ३९२ किलो गाँजा ओसारपसार: मकवानपुर प्रहरीले पक्राउ गर्यो
मकवानपुर, हेटौँडा – मकवानपुर प्रहरीले पेट्रोलियम पदार्थ बोक्ने ट्याङ्करमा लुकाएर ओसारपसार गरिएको ३९२ किलो गाँजा बरामद गरेको छ। प्रहरीले पूर्व पश्चिम राजमार्ग अन्तर्गत हेटौँडा–१५ रातमाटे चेकपोष्टमा चेकजाँच गर्ने क्रममा गाँजासहित दुई जनालाई पक्राउ गरेको हो।
विशेष सूचनाको आधारमा पालुङबाट वीरगञ्जतर्फ जाँदै गरेको ना. ७ ख १७७१ नम्बरको ट्याङ्करमा प्रहरीले खोजतलास गर्दा मकवानपुरको मनहरी–९ ज्यामिरेका २६ वर्षीय चालक रोशन पुरी र २२ वर्षीय सहचालक धनबहादुर मल्ललाई पक्राउ गरिएको हो।
ट्याङ्करको पाँचवटा डिब्बामध्ये तेस्रो डिब्बाभित्र २५ वटा पोका रातो प्लाष्टिकले बेरेको अवस्थामा गाँजा लुकाइएको फेला परेको प्रहरीले जनाएको छ। जिल्ला प्रहरी कार्यालय मकवानपुरले यसबारे थप अनुसन्धान भइरहेको जानकारी दिएको छ।
यो वेबसाइट पब्लिक सवाल प्रा. लि द्वारा संचालित न्युज पोर्टल हो। नेपाली भाषाको यो पोर्टलले समाचार, विचार, शिक्षा, स्वास्थ्य, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आयामका समाचार र विश्लेषणलाई समेट्छ ।
सूचना विभाग दर्ता नं.: ४४७०-८०/८१
फोन: +९७७-९८४०७४८००३
इमेल: [email protected]
ठेगाना: अनामनगर काठमाडौँ
© २०२३
सर्वाधिकार सुरक्षित
Developed By:
