© २०२३
असोज १२, काठमाडौं – निरन्तरको भारी वर्षाका कारण नारायणगढ-मुग्लिन सडकखण्डमा पहिरो जाँदा र सडक भासिएपछि यातायात पूर्ण रूपमा अवरुद्ध भएको छ। नौकिलो भन्ने स्थानमा सडक करिब २ फिट जमिनमुनि धसिएको छ, जसले गर्दा ठूला सवारी साधन तत्काल सञ्चालन गर्न असम्भव भएको छ। साना र हल्का सवारी साधनलाई भने केही समयका लागि चलाउन दिने व्यवस्था गरिएको छ, तर अवस्था अझै जोखिमयुक्त रहेकोले सतर्कता अपनाइएको छ।
यसै क्रममा, जुगेडीबाट मुग्लिनतर्फ आउँदै गरेको प्र-३-०१-०२४च ३०५६ नम्बरको बलेरो जिप पल्टिएको छ र त्यसलाई उठाउने प्रयास भइरहेको छ। चितवनको इच्छाकामना गाउँपालिका-४ घोप्टेभिर क्षेत्रमा पहिरोले सडक अवरुद्ध भएको छ, जसलाई हटाउन दुई वटा स्काभेटर प्रयोग गरिएको छ।
इच्छाकामना गाउँपालिका-३ स्थित मौवाखोला, दतिखोला, र पानीधारामा पनि सडक माथिबाट आएको पहिरोका कारण बाटो पूर्ण रूपमा अवरुद्ध भएको छ। तीन नम्बर पुल नजिकै खसेको पहिरो हटाउन अझै ३–४ घण्टा लाग्न सक्ने जिल्ला प्रहरी कार्यालय चितवनका प्रवक्ता डीएसपी भेषराज रिजालले जानकारी दिएका छन्।
यो वेबसाइट पब्लिक सवाल प्रा. लि द्वारा संचालित न्युज पोर्टल हो। नेपाली भाषाको यो पोर्टलले समाचार, विचार, शिक्षा, स्वास्थ्य, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आयामका समाचार र विश्लेषणलाई समेट्छ ।
सूचना विभाग दर्ता नं.: ४४७०-८०/८१
फोन: +९७७-९८४०७४८००३
इमेल: [email protected]
ठेगाना: अनामनगर काठमाडौँ
© २०२३
सर्वाधिकार सुरक्षित
Developed By:
