खोज

११ असोज, काठमाडौं – मेटाले आफ्नो वार्षिक विशेष कार्यक्रम, मेटा कनेक्ट २०२४, का क्रममा विभिन्न नयाँ उत्पादनहरू सार्वजनिक गरेको छ। यस कार्यक्रममा कम्पनीले अत्याधुनिक एआर चस्मा “ओरियन” र मेटा एआईका नयाँ फिचरहरूको घोषणा गरेको हो।

नयाँ एआर चस्मा ‘ओरियन’
लामो प्रतिक्षा र अनुमानपछि, मेटाले आफ्नो अग्मेन्टेड रियालिटी चस्मा “ओरियन”को प्रोटोटाइप सार्वजनिक गरेको छ। मेटा सीईओ मार्क जुकरबर्गले यस चश्मामा होलोग्राफिक डिस्प्ले रहेको जानकारी दिएका छन्। यो चस्मा सामान्य चस्माजस्तै देखिन्छ र प्रयोगकर्ताले टाउको हल्लाएर यसको फिचर्स नियन्त्रण गर्न सक्छन्। यसका लागि EMG wristband आवश्यक हुन्छ।

सुपथ मूल्यको हेडसेट ‘Quest 3S’
मेटाले नयाँ बजेट हेडसेट “Quest 3S” पनि लञ्च गरेको छ, जसको मूल्य ३०० डलर छ। यसले २९९ डलरको Quest 2 लाई प्रतिस्थापन गर्नेछ। नयाँ हेडसेटमा क्वालकोम स्नापड्रागन एक्सआरटू चिप रहेको छ, जसले विभिन्न एप र गेम चलाउन सहयोग पुर्‍याउँछ। यसमा मिक्स्ड रियालिटी अनुभव गर्नका लागि केही क्यामेरा र टच कन्ट्रोल पनि उपलब्ध छन्।

मेटा एआईका नयाँ फिचरहरू
मेटा एआईलाई अपडेट गर्दै, कम्पनीले नयाँ फिचरहरू थपेको छ जसमा फोटो अपलोड गरेपछि त्यसलाई एडिट गर्नका लागि कमान्ड दिन सकिन्छ। साथै, मेटा एआईमा भ्वाइस सपोर्ट पनि सामेल गरिएको छ, जसले प्रयोगकर्ताको भ्वाइस र आर्टिफिसियल भ्वाइसलाई समर्थन गर्नेछ।

यसरी, मेटाले आफ्नो प्रविधिमा नयाँ उचाइको स्थापना गर्दै भविष्यका लागि प्रभावकारी उत्पादहरूको घोषणा गरेको छ।