खोज

११ असोज, सिन्धुपाल्चोक – कोरियाली अन्तर्राष्ट्रिय सहयोग नियोग (कोइका)को सहयोगमा पाँचपोखरी थाङपाल गाउँपालिका–४ मानेखर्कमा कृषि उपज संकलन केन्द्र बिहीबारदेखि सञ्चालनमा आएको छ।

पाँचपोखरी थाङपाल गाउँपालिका अध्यक्ष टासी लामा र कोइकाका देशीय निर्देशक मुहेन कोङले यस केन्द्रको संयुक्त रूपमा उद्घाटन गरे। साथै, मुहेनले कृषि उपज ढुवानी गर्ने साधनको साँचो पनि पालिका अध्यक्षलाई हस्तान्तरण गरे।

गाउँपालिकाका किसानलाई आयआर्जनसँग जोड्नका लागि कोइका नेपालले गरेको सहयोगको लागि अध्यक्ष लामाले आभार व्यक्त गरे। उनले विश्वास व्यक्त गरे कि केन्द्रले जैविक सागसब्जी र खाद्यान्न उत्पादनमा किसानलाई सहयोग गर्नेछ।

देशीय निर्देशक मुहेनले केन्द्र सञ्चालनसँगै यहाँका किसानलाई आयआर्जनमा टेवा पुग्ने अपेक्षा व्यक्त गरे। यस अवसरमा, काभ्रेपलाञ्चोकको चौँरीदेउराली गाउँपालिकाका अध्यक्ष रेनुका चौलागाईँ र तनहुँको घिरिङ गाउँपालिकाका अध्यक्ष होमबहादुर थापामगरलाई पनि गाडीको साँचो हस्तान्तरण गरिएको थियो।

अन्तमा, कृषि उपज सङ्कलन केन्द्रको सञ्चालक समितिले केन्द्रमा सङ्कलित उत्पादन उचित मूल्यमा किसानसँग खरिद गरी मेलम्चीबाट काठमाडौँसम्म बिक्री वितरण गर्ने वातावरण सुनिश्चित गर्न गाउँपालिका र अन्य सामाजिक सङ्घसंस्थालाई आग्रह गरेको छ।