खोज

धर्नामा त्रिचन्द्र र इटहरी मल्टिपल क्याम्पसका विज्ञान संकायका विद्यार्थीहरू सहभागी भएका छन्। यस धर्नामा अखिल क्रान्तिकारी क्याम्पस जिल्ला समिति अध्यक्ष प्रदीप भण्डारीले पनि समर्थन जनाएका छन्।

धर्नामा बसेका प्रविण दाहालले भने, “हामीले ३ दिन भित्र ट्रान्स्कृप्ट उपलब्ध गराउनुपर्ने प्रमुख माग गरेका छौं। यो समस्या इयर ग्याप र इयर ओभरल्यापिङका कारण भएको हो।”

दाहालले ०७५ सालको पहिलो वर्षको परीक्षा दिएका विद्यार्थीहरूले ०७६ सालमा दोस्रो वर्षमा भर्ना भए पनि परीक्षा फर्म नभरेको बताए। उनले थपे, “०७७ सालमा दोस्रो वर्षको आंशिकको रूपमा र तेस्रो वर्षको नियमितको रूपमा परीक्षा दिइएको थियो, र ०७८ सालमा चौथो वर्षको परीक्षा पनि पास गरिसकेका छौं। तर, त्रिविका पदाधिकारीहरूले ओभरल्यापिङ भएका विद्यार्थीहरूलाई ट्रान्स्कृप्ट नदिने नियम रहेको बताउँछन्।”

दाहालले प्रश्न उठाए, “यदि नियम छैन भने परीक्षामा सहभागी किन गराइयो?” त्यसैले उनले सबै विद्यार्थीहरूलाई ३ दिन भित्र ट्रान्स्कृप्ट उपलब्ध गराउनुपर्ने माग दोहोर्याए।

अखिल क्रान्तिकारी क्याम्पस जिल्ला अध्यक्ष प्रदीप भण्डारीले विद्यार्थीहरूको माग जायज रहेको बताउँदै त्रिविलाई ती माग पूरा गर्नुपर्ने दबाब दिएका छन्। उनले चेतावनी दिए, “यदि माग पूरा भएन भने हामी थप आन्दोलन गर्नेछौं।”