© २०२३
काठमाडौं, ७ वैशाख । प्रधानसेनापति प्रभुराम शर्माले फाष्ट ट्रयाकको काम निर्धारित समयमै पूरा गर्ने दाबी गरेका छन् । उनले काम समयमै सक्ने गरी योजना अनुसार काम भइरहेको बताए ।
शुक्रबार संसदको राज्य व्यवस्था समितिमा बोल्दै सेनापति शर्माले समयमै सकिने भएकाले आफूले सक्दिनँ नभन्ने बताए । चाँडै टनेलको काम पूरा हुने समेत बताए । टनेल र पुलको काम द्रुत गतिमा भएको र बाटो खन्ने कार्यमा समय नलाग्ने बताए ।
फाष्ट ट्रयाकको लागत पनि नबढेको उनको भनाई थियो । ‘तोकिएकै बजेट भित्र रहेको र निर्धारित समयमै काम सम्पन्न गर्न नेपाली सेना ढुक्क छ,’ सेनापति शर्माले भने । लागत बढेको भन्ने विषय गलत भएको उनको भनाई थियो ।
फाष्ट ट्रयाकको कामले गति लिन नसकेको चर्चा चलिरहँदा सेनापतिको पछिल्लो भनाई सार्वजनिक भएको हो । रणनीतिक महत्वको सडक सेनाले निर्माणको जिम्मा लिएको छ । तर, समयमै काम नहुने आशंका कायमै छ ।
यो वेबसाइट पब्लिक सवाल प्रा. लि द्वारा संचालित न्युज पोर्टल हो। नेपाली भाषाको यो पोर्टलले समाचार, विचार, शिक्षा, स्वास्थ्य, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आयामका समाचार र विश्लेषणलाई समेट्छ ।
सूचना विभाग दर्ता नं.: ४४७०-८०/८१
फोन: +९७७-९८४०७४८००३
इमेल: [email protected]
ठेगाना: अनामनगर काठमाडौँ
© २०२३
सर्वाधिकार सुरक्षित
Developed By:
