© २०२३
नेपाल पुलिस क्लबले माल्दिभ्समा आयोजना भएको काभा महिला क्लब भलिबल च्याम्पियनसिपको फाइनलमा प्रभावशाली प्रदर्शन गर्दै उपाधि जितेको छ। शनिबार सम्पन्न निर्णायक खेलमा उज्बेकिस्तानको हुमो भलिबल क्लबलाई ३-० को सोझो सेटमा हराउँदै नेपाल पुलिसले पहिलोपटक यो च्याम्पियनसिपको उपाधि जितेको हो।
मालेको सोसियल युथ सेन्टरमा भएको फाइनलमा नेपाल पुलिसले हुमोलाई २५-१६, २५-२२ र २५-२३ ले पराजित गर्यो। प्रतियोगितामा ६ टिम सहभागी थिए, जसमा नेपाल पुलिसले अपराजित रहँदै उपाधि उचाल्न सफल भयो।
नेपाल पुलिसले लिग चरणमा पनि उत्कृष्ट प्रदर्शन गर्दै ५ मध्ये ५ खेल जितेको थियो। फाइनलमा प्रवेश गर्नुअघि पुलिसले उज्बेकिस्तानको हुमोसँगै श्रीलंकाको एयर फोर्स र ताजिकिस्तानको डाइमेड भलिबल क्लबलाई ३-० को सेटमा पराजित गरेको थियो। माल्दिभ्सका दुई टोलीहरूसँग भएको खेलमा पनि पुलिसले वाम्को क्लबलाई ३-२ र लिस क्लबलाई ३-१ ले पराजित गर्दै अपराजित यात्रालाई जारी राखेको थियो।
प्रतियोगितामा नेपाल, श्रीलंका, उज्बेकिस्तान, ताजिकिस्तान र माल्दिभ्सका टोलीहरूले भाग लिएका थिए। पुलिसको यो जीतले नेपाली भलिबलमा ठूलो सफलता ल्याएको छ।
यो वेबसाइट पब्लिक सवाल प्रा. लि द्वारा संचालित न्युज पोर्टल हो। नेपाली भाषाको यो पोर्टलले समाचार, विचार, शिक्षा, स्वास्थ्य, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आयामका समाचार र विश्लेषणलाई समेट्छ ।
सूचना विभाग दर्ता नं.: ४४७०-८०/८१
फोन: +९७७-९८४०७४८००३
इमेल: [email protected]
ठेगाना: अनामनगर काठमाडौँ
© २०२३
सर्वाधिकार सुरक्षित
Developed By:
