© २०२३
नवलपरासी, १ असोज। सुनवल नगरपालिका‐२, बर्दघाट सुस्ता पश्चिममा ३ हजार मेट्रिक टन क्षमताको शीतभण्डार निर्माण गरी सञ्चालनमा ल्याइएको छ। संघीय, स्थानीय सरकार र सहकारीको संयुक्त लगानीमा निर्मित यस शीतभण्डारले किसान र व्यापारीलाई कृषि उपज भण्डारणमा सहयोग पुर्याउनेछ।
शीतभण्डार १९ करोड ४२ लाख रुपैयाँ लागतमा डेढ बिघा जग्गामा पाँच वटा चेम्बरसहित निर्माण गरिएको हो। हाल एउटा चेम्बर मात्र सञ्चालनमा छ, जसमा २५० बोरा आलु भण्डारण गरिएको छ। व्यवस्थापक जय शेषमणि पटेलका अनुसार, यस शीतभण्डार मुलुककै ठूला शीतभण्डारमध्ये एक हो।
शीतभण्डारको निर्माणमा संघीय सरकारले ६० प्रतिशत अनुदान, स्थानीय सहकारी र स्थानीय सरकारको २०-२० प्रतिशत लगानी रहेको छ। पाँच वटै चेम्बर सञ्चालनमा ल्याएमा वार्षिक २ करोड ५० लाख रुपैयाँ राजस्व संकलन गर्ने लक्ष्य राखिएको छ।
यस शीतभण्डारको सञ्चालनले नवलपरासी, रुपन्देही र कपिलवस्तुका किसानको कृषि उपज भण्डारणको समस्या समाधान हुने विश्वास गरिएको छ।
यो वेबसाइट पब्लिक सवाल प्रा. लि द्वारा संचालित न्युज पोर्टल हो। नेपाली भाषाको यो पोर्टलले समाचार, विचार, शिक्षा, स्वास्थ्य, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आयामका समाचार र विश्लेषणलाई समेट्छ ।
सूचना विभाग दर्ता नं.: ४४७०-८०/८१
फोन: +९७७-९८४०७४८००३
इमेल: [email protected]
ठेगाना: अनामनगर काठमाडौँ
© २०२३
सर्वाधिकार सुरक्षित
Developed By:
