© २०२३
काठमाडौं, १ असोज – आज नेपालभर विश्वकर्मा पूजा तथा वास्तु दिवस मनाइँदैछ, जसमा कालीगढहरूले विशेष पूजा आराधना गर्नेछन्। यो पर्व कन्या अर्थात् आश्विन सङ्क्रान्तिका दिन विभिन्न कलकारखानामा विश्वकर्माको बालुवाको मूर्ति वा तस्वीर बनाएर विधिपूर्वक मनाइन्छ।
आजको दिन मजदुरहरू पनि सहभागी भएर पूजा आराधना गर्छन्, जसमा उनीहरूले आफ्नो दैनिक जीवनमा प्रयोग हुने औजार तथा यन्त्रहरूमा विशेष पूजा गर्दछन्। धार्मिक मान्यताअनुसार यसो गर्दा ती औजार टिकाउ हुने र काम गर्न उत्कृष्ट हुने विश्वास गरिन्छ।
प्राचीनकालमा भगवान् कृष्णको लागि विश्वकर्माले समुद्रको बीचमा ‘भेद द्वारका’ निर्माण गरेका थिए भन्ने धार्मिक कथा प्रसिद्ध छ। यसै कारण उनलाई सफल वास्तुविद्का रूपमा पूजा गरिन्छ। नेपालका कालीगढहरूले आज विशेष रूपमा पूजा गर्दै विश्वकर्माको विद्वताको सम्मानमा यो दिन मनाउँछन्।
यस अवसरमा नेपाल ज्योतिष परिषद्को केन्द्रीय कार्यालय डिल्लीबजारमा पनि विशेष कार्यक्रमको आयोजना गरिएको छ, जहाँ वास्तुशास्त्र सम्बन्धी छलफल एवं प्रवचन गरिनेछ।
यो वेबसाइट पब्लिक सवाल प्रा. लि द्वारा संचालित न्युज पोर्टल हो। नेपाली भाषाको यो पोर्टलले समाचार, विचार, शिक्षा, स्वास्थ्य, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आयामका समाचार र विश्लेषणलाई समेट्छ ।
सूचना विभाग दर्ता नं.: ४४७०-८०/८१
फोन: +९७७-९८४०७४८००३
इमेल: [email protected]
ठेगाना: अनामनगर काठमाडौँ
© २०२३
सर्वाधिकार सुरक्षित
Developed By:
