© २०२३
३० भदौ, झापा – झापामा जबर्जस्ती करणी मुद्दामा कैद भोगिरहेका २४ वर्षीय कैदी जीवन साह अस्पतालको शौचालयबाट फरार भएका छन्। प्रहरीका अनुसार साह भद्रपुरस्थित ओमसाई पाथीभरा अस्पतालमा उपचाररत थिए, जहाँ आज बिहान उनी भागेका हुन्।
प्रहरीले जानकारी दिएअनुसार बिहान ३:४० बजे साहलाई शौचालय पुर्याइएको थियो, र सोही शौचालयबाट उनी भाग्न सफल भए। छातीमा समस्या देखिएपछि साहलाई भदौ २५ गते प्रादेशिक अस्पताल भद्रपुरमा उपचारका लागि लगिएको थियो, त्यहाँबाट उनलाई थप उपचारका लागि ओमसाई पाथीभरा अस्पतालमा रेफर गरिएको थियो।
जिल्ला प्रहरी कार्यालय झापाका प्रहरी उपरीक्षक मिलन केसीको नेतृत्वमा साहको खोजी भइरहेको छ। यसअघि पनि बिर्तामोडका एक थुनुवा हतकडी फुस्काएर फरार भएका थिए, जसलाई चार दिनपछि समात्न प्रहरी सफल भएको थियो।
फरार कैदी साहको खोजीमा प्रहरी सक्रिय रहे पनि हालसम्म पत्ता लाग्न सकेको छैन।
यो वेबसाइट पब्लिक सवाल प्रा. लि द्वारा संचालित न्युज पोर्टल हो। नेपाली भाषाको यो पोर्टलले समाचार, विचार, शिक्षा, स्वास्थ्य, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आयामका समाचार र विश्लेषणलाई समेट्छ ।
सूचना विभाग दर्ता नं.: ४४७०-८०/८१
फोन: +९७७-९८४०७४८००३
इमेल: [email protected]
ठेगाना: अनामनगर काठमाडौँ
© २०२३
सर्वाधिकार सुरक्षित
Developed By:
