© २०२३
धीरज मगर र उपासना सिंह ठकुरीको मुख्य भूमिका रहेको फिल्म ‘खुस्मा: अ लभ स्टोरी’को ट्रेलर सार्वजनिक भएको छ। चार मिनेट लामो ट्रेलरले फिल्मको कथावस्तु, चरित्र चित्रण, र परिवेशलाई उजागर गर्दछ।
फिल्मले दशक लामो सशस्त्र द्वन्द्वको पृष्ठभूमिमा अंकुरिएको प्रेमकथालाई प्रस्तुत गरेको छ, जसमा एक जोडीले सामाजिक र सांस्कृतिक मूल्य मान्यतासँग जुझ्दै प्रेमलाई कसरी अघि बढाउँछन् भन्ने देखाइएको छ। विशेषतः महिलाको संघर्ष र चुनौतीलाई चलचित्रमा बलियो रूपमा उजागर गरिएको छ।
पश्चिम नेपालको मगर समुदायको सांस्कृतिक आञ्चलिकतामा आधारित यो फिल्मलाई अशोक थापाले निर्देशन गरेका छन्। मंगलबार पत्रकार सम्मेलनमार्फत ट्रेलर सार्वजनिक गरिएको हो। फिल्ममा माओत्से गुरुङ, सुजाता राई, अस्तित्व भट्टचन, अरुण पुन, राज थापा काउचा लगायतका कलाकारहरूको अभिनय रहेको छ।
एम मिडिया प्रोडक्सनको ब्यानरमा निर्माण गरिएको फिल्मका निर्माता वीरबहादुर लामा, चन्द्र भट्टचन, बेथानी मगर, मान बहादुर, र धना मगर हुन्। पटकथा तथा संवाद पनि निर्देशक अशोक थापाकै रहेको छ।
यो वेबसाइट पब्लिक सवाल प्रा. लि द्वारा संचालित न्युज पोर्टल हो। नेपाली भाषाको यो पोर्टलले समाचार, विचार, शिक्षा, स्वास्थ्य, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आयामका समाचार र विश्लेषणलाई समेट्छ ।
सूचना विभाग दर्ता नं.: ४४७०-८०/८१
फोन: +९७७-९८४०७४८००३
इमेल: [email protected]
ठेगाना: अनामनगर काठमाडौँ
© २०२३
सर्वाधिकार सुरक्षित
Developed By:
