खोज

काठमाडौं, १९ भदौ – गोरखामा जन्मिएर काठमाडौंलाई आफ्नो कर्मथलो बनाउँदै आएका बद्री सापकोटा अहिलेका सफल गायकमध्ये एक हुन्। सापकोटा मात्र गायक मात्रै होइनन्, बहुमुखी प्रतिभाका धनी व्यक्तित्व हुन्। उनी कानुन व्यवसायमा आबद्ध छन् र संगीतको क्षेत्रमा पनि उत्तिकै ख्याती कमाइरहेका छन्।

गायक सापकोटाले नेपाली लोकसंगीतमा आफ्नो विशिष्ट पहिचान बनाउन सफल भएका छन्। उनका “बस बस पियारी,” “ए गौरी,” र “युके बस्ने माया” जस्ता लोकगीतहरूले नेपाली संगीतप्रेमीहरूको मन जितिसकेका छन्। उनका गीतहरूले नेपाली समाजको मौलिकता र संस्कृति जगेर्नामा महत्वपूर्ण योगदान पुर्‍याएका छन्।

सापकोटाको जीवनको यात्रा कानुन व्यवसायमा आबद्ध भएपछिको सफलतासँगै संगीत क्षेत्रमा प्रवेश गरेर एउटा सर्जक र गायकको रूपमा स्थापित हुने क्रममा रहेको छ। उनी आफ्नो सुमधुर आवाज र उत्कृष्ट शब्द संयोजनले सांगीतिक क्षेत्रका सबै तहका श्रोता दर्शकलाई मन्त्रमुग्ध गर्न सफल भएका छन्।

नेपालका विभिन्न प्रतिष्ठित स्टुडियोहरूमा काम गरेका सापकोटाका गीतहरूले सधैं मौलिकता र परिष्कृतताको संयोजनलाई प्राथमिकता दिएका छन्। उनका गीतहरूले समाजका विभिन्न पक्षलाई उजागर मात्र गरेका छैनन्, सांगीतिक मञ्चमा पनि नयाँ उचाइ हासिल गर्न मद्दत गरेका छन्।

सापकोटा आफ्नो सांगीतिक यात्रामा निरन्तर रूपमा नयाँ प्रयोग गरिरहेका छन् र यसै क्रममा उनले आधा दर्जनभन्दा बढी गीतहरू रिलिजको तयारीमा छन्। उनी आफ्नो गीति यात्रालाई अझै अगाडि बढाउँदै नेपाली संगीतको फाँटलाई अझै उज्यालो बनाउने लक्ष्य राखेका छन्।