खोज

काठमाडौं, १९ भदौ २०८१: नेकपा (माओवादी केन्द्र)को केन्द्रीय अनुशासन आयोग, निर्वाचन आयोग, र लेखा आयोगको संयुक्त परामर्श बैठक भव्यताका साथ सम्पन्न भएको छ। दुई दिनसम्म चलेको यो ऐतिहासिक बैठकले राजनीतिक रंगमञ्चमा नयाँ तरङ्ग पैदा गरेको छ।

पार्टी केन्द्रीय कार्यालय, पेरिसडाँडामा हिजो सुरु भएको बैठकमा ४० जना प्रतिनिधिहरूले आफ्ना विचारको ज्वारभाटा पोख्दै पार्टीलाई नयाँ उचाइमा पुर्‍याउने प्रतिबद्धता जनाए। आज बिहानैदेखि सुरु भएको दोस्रो चरणको बैठकमा अध्यक्ष पुष्पकमल दाहाल ‘प्रचण्ड’ले आफ्नो दमदार सम्बोधन गर्दै पार्टीलाई एकताबद्ध बनाउन निर्देशन दिएपछि बैठक औपचारिक रूपमा सम्पन्न भएको हो।

यो बैठक आसन्न केन्द्रीय समितिको बैठकको तयारीका रूपमा भएको थियो, जसले पार्टीलाई आगामी राजनीतिक लडाइँको लागि तयार गर्ने महत्त्वपूर्ण निर्णय लिने बताइएको छ। यसअघि बागमती, उपत्यका विशेष प्रदेश, सम्पर्क समन्वय प्रदेश, गण्डकी, सुदूरपश्चिम, कर्णाली र लुम्बिनी प्रदेशमा परामर्श बैठकहरू सम्पन्न भइसकेका छन्।

अब प्रदेश नम्बर १ र मधेस प्रदेश तथा ज्येष्ठ कम्युनिस्ट मञ्च र सल्लाहकार समितिको बैठकको प्रतिक्षा छ, जसले पार्टीको भविष्यको दिशा तय गर्नेछ। यसपछि, माओवादी केन्द्रको केन्द्रीय समिति बैठक बस्नेछ, जहाँ पार्टीले ठोस निर्णयहरू गर्दै संगठन सुदृढीकरण र जनपरिचालनका नयाँ कार्यक्रमहरूको योजना बनाउने तयारीमा छ।

पेरिसडाँडामा भएको यो मन्थनले पार्टीका कार्यकर्ताहरूलाई ऊर्जावान् बनाउँदै पार्टीको आगामी रणनीति स्पष्ट पार्ने अपेक्षा गरिएको छ। पार्टी भित्रको यो चलखेलले मात्र होइन, बाहिरको राजनीतिमा पनि एक नयाँ तरङ्ग ल्याउने संकेत मिलिरहेको छ।

पार्टी अध्यक्ष ‘प्रचण्ड’ले भने, “हामी सबै एक भएर अघि बढ्नुपर्छ। यो समय समर्पणको हो, रणनीतिक सोच र सहकार्यको हो।” यस सन्देशसँगै बैठकको समापनले कार्यकर्ताहरूमा नया उत्साह सञ्चार गरेको छ।