© २०२३
काठमाडौं, १७ भदौ २०८१ – अर्थ मन्त्रालयले दुग्ध विकास संस्थानलाई ६० करोड रुपैयाँ ऋण दिने निर्णय गरेको छ। यो रकम निश्चित शर्तसहित कृषि तथा पशुपन्छी विकास मन्त्रालयमार्फत मन्त्रिपरिषदमा प्रस्ताव पेस गर्न सहमति प्रदान गरिएको छ।
दुग्ध विकास संस्थानले यो ऋण रकम किसानहरूलाई दूधको बाँकी रकम भुक्तानीमा प्रयोग गर्नेछ। चालु आर्थिक वर्षको लागि संस्थानमा १ करोड रुपैयाँ ऋण लगानीको बजेट व्यवस्था गरिएकोमा, अब थप ५९ करोड रुपैयाँ रकमान्तर गरेर कुल ६० करोड ऋण लगानी गर्ने योजना छ।
यो प्रस्ताव मन्त्रिपरिषदबाट स्वीकृत भएपछि, सरकारले संस्थानमा ऋणको रूपमा लगानी गर्नेछ।
किसानहरूले दूधको भुक्तानी नपाएको भन्दै भुक्तानीका लागि बारम्बार माग गरिरहेका छन्। यस विषयमा उपप्रधानमन्त्री र अर्थमन्त्री विष्णुप्रसाद पौडेल, कृषिमन्त्री रामनाथ अधिकारी, र दुग्ध विकास संस्थानका अधिकारीबीच पटक-पटक छलफल भएको छ।
यो वेबसाइट पब्लिक सवाल प्रा. लि द्वारा संचालित न्युज पोर्टल हो। नेपाली भाषाको यो पोर्टलले समाचार, विचार, शिक्षा, स्वास्थ्य, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आयामका समाचार र विश्लेषणलाई समेट्छ ।
सूचना विभाग दर्ता नं.: ४४७०-८०/८१
फोन: +९७७-९८४०७४८००३
इमेल: [email protected]
ठेगाना: अनामनगर काठमाडौँ
© २०२३
सर्वाधिकार सुरक्षित
Developed By:
