खोज

संसदीय सुनुवाइ समितिको आइतबारको बैठकमा शर्माले भारतका विदेशमन्त्री एस जयशंकरको एक अन्तर्वार्तालाई उल्लेख गर्दै नेपालको राजनीतिमा भारतीय हस्तक्षेपले नेताहरूको निम्तो पाएको हुनसक्ने शंका व्यक्त गरे। शर्माले भारतले नेपालमा ‘माइक्रो म्यानेजमेन्ट’ गरिरहेको बारेमा आफूलाई प्रत्यक्ष जानकारी नभएको बताए। उनले भने, “भारतले सूक्ष्म हस्तक्षेप गरिरहेको छ भन्ने कुरा मलाई थाहा छैन। यस्तो विषयमा राजनीतिक तहमा बढी जानकारी हुन्छ। म भारतबाट फर्किएको व्यक्ति भए पनि, म भारतीय समाचारपत्र र युट्युब च्यानलहरू नियमित रूपमा हेर्छु।”

शर्माले जयशंकरको भनाइलाई उद्धृत गर्दै भने, “जयशंकरले अन्तर्वार्तामा भनेका थिए, छिमेकीहरूसँगको सम्बन्धमा केही जटिलता रहन्छ। उनले यस कुरामा पनि संकेत गरेका थिए कि छिमेकी राष्ट्रहरूले भारतीय हस्तक्षेपलाई निम्त्याउने कुनै माग पनि गरेका हुनसक्छन्।” शर्माले थपे, “हामीकहाँ कुनै समस्या छ कि, जसका कारण हामीले ‘इन्भाइट’ पो गरिरहेका छौं कि?”

जयशंकरको भनाइलाई प्रमाणित गर्नका लागि शर्माले क्यानडाका प्रधानमन्त्रीले अमेरिकाबारे दिएको टिप्पणीलाई पनि सन्दर्भमा ल्याए। शर्माले भने, “क्यानडाका प्रधानमन्त्रीले एकपटक भनेका थिए, अमेरिका यस्तो देश हो, जसले सुत्दा पनि क्यानडामा असर गर्छ, पल्टिन खोज्दा पनि। यस्तै प्रकारले भारतको छिमेकमा हस्तक्षेपबारे चर्चा चलिरहेको छ।”

डा. शर्मासहित चार जना प्रस्तावित राजदूतहरूको संसदीय सुनुवाइ प्रक्रिया सम्पन्न भएको छ, तर उनीहरूको नामको अनुमोदन भने अझै बाँकी छ। सुनुवाइ समिति सचिवालयका अनुसार बाँकी १३ प्रस्तावित राजदूतहरूको सुनुवाइ पनि सकिएपछि सबैको नाम अनुमोदनका लागि एकै पटक छलफल गरिनेछ।