© २०२३
२ भदौ काठमाडौं । नेकपा माओवादी केन्द्रका नेता झक्कु सुवेदीले वर्तमान सरकारदेखि जनता आतंकित बनेको बताउनुभएको छ ।
पुष्पकमल दाहाल प्रचण्ड नेतृत्वको सरकारले गरेका कामलाई भंग गरेर बनाएको अहिलेको सरकारबाट विकाशका कामको आस नै नभएको उल्टै जनताहरु अब के–के हुने हो भन्ने आतंकमा रहेको उहाँको भनाइ छ ।
प्रचण्ड सरकारले देश र जनताका लागि धेरै राम्रा कामहरु गरेको गरेको दाबी गर्दै उहाँले जनतामा निराशा हटेर आसा पलाएको स्पष्ट पार्नुभयो । अबको सरकारले भने फेरि निराशा र अविश्वास बढाउने उहाँको तर्क रहेको छ ।
विकाश र सुशासनको काम गरेर अगाडि बढिरहेको प्रचण्ड सरकारलाई भंग गर्न राताराता कांग्रेस सभापति शेरबहादुर देउवा एमाले अध्यक्ष केपी शर्मा ओलीले कपाली सहमति गरेको नेता सुवेदीले आरोप लगाउनु भएको छ । यस्तै अहिलेको सरकारले जनतालाई निराशा बनाउनुबाहेक अरु केहि नगर्ने पनि उहाँको भनाइ छ ।
प्रधानमन्त्री ओलीले कुरा र भाषणमात्रै ठुला र विकाशका गर्ने तर व्यवहारमा एउटा पनि लागु नगर्ने पूरानै प्रवृती अब पनि दोहोरिने नेता सुवेदीको आरोप रहेको छ ।
यस्तै नेता सुवेदीले जनताबाट प्रत्यक्ष निर्वाचित कार्यकारी प्रमुख नबनाएसम्म देश स्थिर हुन नसक्ने समेत बताउनुभएको छ ।
यो वेबसाइट पब्लिक सवाल प्रा. लि द्वारा संचालित न्युज पोर्टल हो। नेपाली भाषाको यो पोर्टलले समाचार, विचार, शिक्षा, स्वास्थ्य, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आयामका समाचार र विश्लेषणलाई समेट्छ ।
सूचना विभाग दर्ता नं.: ४४७०-८०/८१
फोन: +९७७-९८४०७४८००३
इमेल: [email protected]
ठेगाना: अनामनगर काठमाडौँ
© २०२३
सर्वाधिकार सुरक्षित
Developed By:
