खोज

पूर्व उपप्रधानमन्त्री एवम् नेकपा माओवादी केन्द्रका वरिष्ठ उपाध्यक्ष नारायणकाजी श्रेष्ठले ऐतिहासिक राजनीतिक परिवर्तनलाई आर्थिक विकास र समृद्धिको फड्कोमा पुर्‍याउन सक्दा मात्र जनताले वास्तविक परिवर्तनको अनुभूत गर्न सक्ने बताएका छन् । शुक्रबार काठमाडौं उपत्यका विकास प्राधिकरण अन्तर्गत जिल्ला आयुक्तको कार्यलय ललितपुरले आयोजना गरेको ‘भेल्पा हात्तीवन जग्गा एकीकरण आयोजना सहयोग समितिका निर्वाचित पदाधिकारीलाई शपथ तथा प्रमाणपत्र वितरण कार्यक्रमलाई सम्बोधन गर्दै वरिष्ठ उपाध्यक्ष श्रेष्ठले यसाे बताएका हुन । उनले आफू सरकारमा हुँदा सुशासनका पक्षमा र भ्रष्टाचारका विरुद्धमा ठुलाठुला अभियान सुरु गरेको समेत बताए ।
उपत्यका विकास प्राधिकरण कानुन शाखा प्रमुख तथा उक्त कार्यक्रम निर्वाचन मण्डलका संयोजक समेत रहेका घनश्याम पौडेलकाे सभापतित्वमा सञ्चालन भएको उक्त कार्यक्रममा प्रमुख अतिथि वरिष्ठ उपाध्यक्ष श्रेष्ठले विषय केन्द्रित हुदै तीन वर्ष भित्र भइसक्नुपर्ने आयोजना १० वर्ष सम्म पनि पुरा हुन नसकेकाले कयौँ जनताले अझै धनीपुर्जा पाउन नसकेको खोलाको सीमाङ्कनको विवाद अदालत सम्म पुगेको लगायतका समस्याको समाधान आवश रहेकाले व्यवस्थित वस्ती विकासको योजनामा आफू हमेशा स्थानीयको साथमा रहने बताए ।
उपत्यका विकास प्राधिकरण कानुन शाखा प्रमुख तथा उक्त कार्यक्रम निर्वाचन मण्डलका संयोजक समेत रहेका घनश्याम पौडेलले : अत्यन्त न्यून स्रोत साधनको प्रयोग गर्दै सौहार्दपूर्ण रूपमा सहयोग समिति चयन भएको बताए ।
आयाेजनाका नवनिर्वाचित अध्यक्ष माधव बन्जाराले पनि : आफू नयाँ उत्साहका साथ आएको र ‘विगतमा विभिन्न समस्याहरू जस्तै आयोजना प्रमुखको नियमित सरुवा हुने, जनताको कुराको उचित सुनुवाइ नहुने लगायतका समस्या थिए । पब्लिक सवालसंग प्रतिक्रिया दिदै उनले भने, तीन वर्षमा सम्पन्न भइसक्नुपर्ने जग्गा एकीकरण आयोजना १० वर्ष बितिसक्दा पनि पुरा हुन नसकेको प्रति दुखित भेल्पावासीमा सहयोग समिति गठन भएसंगै नयाँ आशा पलाएको समेत छ ।