खोज

२१ असार, काठमाडौ । नेकपा (एकीकृत समाजवादी) पार्टीको दशौँ महाधिवेशन बहिष्कार गरेर भारत भ्रमणमा गएका सांसद एवं पूर्वमन्त्री प्रेमबहादुर आलेले वडा अध्यक्ष बन्नसक्ने हैसियत नभएका व्यक्ति पधादिकारी भएको  पार्टीको केन्द्रीय कमिटीको सदस्य बन्न आफूलाई कुनै ईच्छा नभएको बताएका छन् ।

नेकपा एसको दशौँ महाधिवेशनले आज शुक्रबार ९३ सदस्यीय केन्द्रीय कमिटी घोषणा गर्दा आलेको नाम नपरेको भन्ने प्रचार भएपछि उनले आफू पार्टीको केन्द्रीय कमिटीको सदस्य बन्न इच्छुक नरहेको बताए । उनले पब्लिक सवालसंग भने, “मलाई वडा अध्यक्ष बन्नसक्ने हैसियत नभएका व्यक्ति पधादिकारी भएको  पार्टीको केन्द्रीय कमिटीको सदस्य बन्न कुनै मन थिएन, त्यसैले वास्ता गरिन ।”
यसैगरी उनले कुनै हैसियत नभएको पार्टीको केन्द्रीय सदस्य होईन पदाधिकारी नै दिएपनि आफूलाई स्वीकार्य नभएको उनको भनाई छ । उनले “म डोटीले जनताबाट तीनपटक प्रत्यक्ष निर्वाचित जनप्रतिनिधि हुँ । अब जनताका लागि स्वतन्त्र रुपमा काम गर्छु ।

नेकपा (एकीकृत समाजवादी) पार्टी र नेतृत्व पिँध नभएको लोटा जस्तो भएको उनको आरोप छ । असक्षम नेतृत्वले सञ्चालन गरेको पार्टीको महाधिवेशनमा आफूलाई रुचि नभएको उनको भनाई छ । नेकपा एस पार्टी नेतृत्वको कार्यशैली प्रति आलेले निरन्तर रुपमा बिमति राख्दै आएका छन् ।