© २०२३
काठमाडौं, १० वैशाख । नेकपा एसका अध्यक्ष माधवकुमार नेपालले दिने संकेत मिल्ने गर्छन । उनले यसपटक फेरि डरलाग्दो संकेत गरेका छन् । नेता नेपालले देशमा निकै असहज परिस्थिति विकास भइरहेको र जटिल अवस्था आउने संकेत गरेका छन् ।
सोमबार ललितपुरमा बोल्दै नेता नेपालले सरकार लामो नजाने संकेत गरे । यसको उत्तर प्रधानमन्त्री प्रचण्डले दिन सक्ने समेत बताए ।
नेता नेपाल कम्युनिस्ट पार्टी नेकपा स्थापनाको हिरक महोत्सव नेकपा एमालेले भव्य रुपमा मनाएको कार्यक्रममा सहभागी भएनन् । एमालेले हिरक महोत्सवमा पूर्वप्रधानमन्त्रीहरु पुष्पकमल दाहाल प्रचण्ड, शेरबहादुर देउवा, झलनाथ खनाल, डा. बाबुराम भट्टराई र माधवकुमार नेपाललाई निम्तो गरी भण्डारीलाई गणतन्त्र गौरवको सम्मान दिने योजना बनायो । माधव नेपालबाहेक निम्तो गरिएको सबै पूर्वप्रधानमन्त्री कार्यक्रममा पुगे ।
तर, पूर्वप्रधानमन्त्री माधवकुमार नेपाल पुगेनन् । उनी एमालेका पूर्वमहासचिव हुन् । नेता नेपाल एमाले मुख्यालय रहेको तुल्सीलाल अमात्य प्रतिष्ठानमा नरबहादुर कर्माचार्यको स्मृति दिवसमा सहभागी भए । उनले विद्या भण्डारीलाई दिएको सम्मानप्रति कटाक्ष गरे ।
आफू हेपिन नजन्मिएको बताए । विश्वस्त स्रोतका अनुसार नेता नेपालले दुईपटक संसद विघटन गर्ने विद्यादेवी भण्डारीलाई गणतन्त्र गौरव मान्न आफू तयार नभएको भन्दै कार्यक्रम नै बहिष्कार गरे ।
यो वेबसाइट पब्लिक सवाल प्रा. लि द्वारा संचालित न्युज पोर्टल हो। नेपाली भाषाको यो पोर्टलले समाचार, विचार, शिक्षा, स्वास्थ्य, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आयामका समाचार र विश्लेषणलाई समेट्छ ।
सूचना विभाग दर्ता नं.: ४४७०-८०/८१
फोन: +९७७-९८४०७४८००३
इमेल: [email protected]
ठेगाना: अनामनगर काठमाडौँ
© २०२३
सर्वाधिकार सुरक्षित
Developed By:
